На вечерне
Кафизма 9
На «Господи, воззвах»
На 10, стихиры: Изведи́ из темни́цы ду́шу мою́, / испове́датися и́мени Твоему́.
Сти́х: Мене́ ждут пра́ведницы / до́ндеже возда́си Мне.
На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.
Сти́х: Да бу́дут у́ши Твои́ / вне́млюще гла́су моле́ния моего́.
На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.
Глас 8: На Кресте́ Христе́ пригво́ждся, пронза́емь в ру́це и но́зе, в ребро́ же свято́е прободе́н бы́л еси́, источа́я ми́ ка́пли Боже́ственнаго спасе́ния, Преблаги́й, кро́вь же и во́ду, я́ко да омы́еши мо́й гно́й и скве́рну: сла́ва Твое́й, Всеще́дре, бла́гости.
Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.
Глас 8: Страда́ти претерпе́л еси́, Влады́ко, я́ко да безстра́стие все́м пода́си, покланя́ющымся Твои́м страсте́м, и во́льному заколе́нию, и копию́, и гвозде́м, и тро́сти, я́же долготерпели́вно хотя́ претерпе́л еси́: я́ко да и мне́ исхода́таиши, Го́споди, ра́ди страсте́й Твои́х безстра́стие.
На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.
Глас 8: Ю́ница Нескве́рная, Юнца́ ви́дящи на Дре́во воздви́жена во́лею, рыда́ющи уми́льно вопия́ше: увы́ Мне́, Возлю́бленнейшее Ча́до, что́ Ти со́нм воздаде́ безблагода́тный евре́йский, хотя́ Мя́ безча́дствовати от Тебе́, Вселюби́мый?
Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.
Глас 8: Скрижа́ли Бо́жия Ду́ха, Богоблаже́нне, показа́лся еси́, о́тче,/ Боже́ственная уче́ния пи́сана нося́ в ра́зуме боже́ственне,/ тех разгну́тием просвети́л еси́ неразу́мием бе́дствующия./ Тем твои́ми моли́твами/ проси́ нам всем, о́тче, ве́лию ми́лость.
На 2, cти́х: Хвали́те Го́спода вси́ язы́цы, похвали́те Его́ вси́ лю́дие.
Глас 8: Крове́й Боже́ственными тече́нии/ обагри́в твою́ свяще́нную оде́жду, Дорофе́е,/ вшел еси́, ра́дуяся, в Небе́сный храм,/ ны́не яви́тися Бо́гу на́шему,/ подаю́щему венцы́ страда́вшим./ Того́ приле́жно моли́/ всем низпосла́ти ве́лию ми́лость.
Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.
Глас 8: Житие́ твое́ равноа́нгельно,/ муче́ние же просвеще́нно,/ и́мже сподо́бился еси́ со А́нгелы ликова́ти в ра́дости,/ чудесы́ зе́млю, о́тче Дорофе́е, Боже́ственными озаря́я и уче́ньми./ Тем твои́ми моли́твами проси́/ дарова́ти всем ве́лию ми́лость.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Крестобогородичен, глас 8: Ю́ница нескве́рная,/ Юнца́ ви́дящи, на Дре́ве пригвожда́ема во́лею,/ рыда́ющи жа́лостне:–/ увы́ Мне,– вопия́ше,– люби́мейшее Ча́до,/ что́ Ти сонм воздаде́ безблагода́тный евре́йский,/ хотя́ Мя обезча́дствовати от Тебе́, Вселюбе́зне?
Паремии
Стихиры на литии
На стиховне
Глас 8: Вознесы́йся на Кре́ст, Христе́ Бо́же, и спа́сл еси́ челове́ческий ро́д: сла́вим страда́ния Твоя́.
Стих: К Тебе́ возведо́х о́чи мои́ живу́щему на Небеси́. Се́ я́ко о́чи ра́б в руку́ госпо́дий Свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, до́ндеже уще́дрит ны́.
Глас 8: Пригвозди́лся еси́ на Кресте́, Христе́ Бо́же, и отве́рзл еси́ ра́йския две́ри: сла́вим Божество́ Твое́.
Стих: Поми́луй на́с Го́споди, поми́луй на́с, я́ко по мно́гу испо́лнихомся уничиже́ния, наипа́че напо́лнися душа́ на́ша поноше́ния гобзу́ющих, и уничиже́ния го́рдых.
Глас 8: Му́ченицы Твои́, Го́споди, забы́ша жите́йская, небре́гше о муче́ниих, бу́дущия ра́ди жи́зни, тоя́ насле́дницы яви́шася: те́мже и со а́нгелы ра́дуются. Те́х моли́твами да́руй лю́дем Твои́м ве́лию ми́лость.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Глас 8: Го́споди, егда́ Тя Со́лнца Пра́веднаго со́лнце ви́де на Дре́ве пове́шена, лучы́ скры́, и луна́ све́т во тьму́ преложи́: Всенепоро́чная же Твоя́ Ма́ти утро́бою уязвля́шеся.
Тропари по Трисвятом
Глас 4: И нра́вом прича́стник,/ и престо́лом наме́стник, апо́столом быв,/ дея́ние обре́л еси́, Богодохнове́нне,/ в виде́ния восхо́д;/ сего́ ра́ди, сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Дорофе́е,/ моли́ Христа́ Бо́га/ спасти́ся душа́м на́шим.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Крестобогородичен, глас 4: Де́во Пренепоро́чная, Ма́ти Христа́ Бо́га, / ору́жие про́йде Твою́ пресвяту́ю ду́шу, / егда́ распина́ема ви́дела еси́ во́лею Сы́на и Бо́га Твоего́, / Его́же, Благослове́нная, моля́щи не преста́й / проще́ние прегреше́ний нам дарова́ти.
На утрене
на «Бог Господь»
Глас 4: И нра́вом прича́стник,/ и престо́лом наме́стник, апо́столом быв,/ дея́ние обре́л еси́, Богодохнове́нне,/ в виде́ния восхо́д;/ сего́ ра́ди, сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Дорофе́е,/ моли́ Христа́ Бо́га/ спасти́ся душа́м на́шим. (Дважды)
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Крестобогородичен, глас 4: Де́во Пренепоро́чная, Ма́ти Христа́ Бо́га, / ору́жие про́йде Твою́ пресвяту́ю ду́шу, / егда́ распина́ема ви́дела еси́ во́лею Сы́на и Бо́га Твоего́, / Его́же, Благослове́нная, моля́щи не преста́й / проще́ние прегреше́ний нам дарова́ти.
Кафизмы 10,11
Кафизма 10
Пс.70-71; Слава: Пс.72-73; Слава: Пс.74-76;
И седален по 1-ом стихословии.
Глас 8: Ви́дя разбо́йник Нача́льника жи́зни, на кресте́ ви́сяща, глаго́лаше: а́ще не бы Бо́г бы́л вопло́щься, И́же с на́ми распны́йся: не бы́ со́лнце лучи́ своя́ потаи́ло, ниже́ бы земля́ трепе́щущи трясла́ся: но вся́ терпя́й, помяни́ мя, Го́споди, во Ца́рствии Твое́м.
Стих: Возноси́те Го́спода Бо́га на́шего, и покланя́йтеся подно́жию но́гу Его́, я́ко свя́то е́сть.
Посреде́ двою́ разбо́йнику, ме́рило пра́ведное обре́теся Кре́ст Тво́й: о́вому у́бо низводи́му во а́д тягото́ю хуле́ния: друго́му же легча́щуся от прегреше́ний к позна́нию Богосло́вия. Христе́ Бо́же, сла́ва Тебе́.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Крестобогородичен, глас 8: А́гнца и Па́стыря, и Изба́вителя, А́гница зря́щи на Кресте́ непра́ведно воздви́жена, пла́чущися го́рько взыва́ше: ми́р у́бо ра́дуется, прие́мля Тобо́ю избавле́ние: утро́ба же Моя́ гори́т, зря́щи Твое́ распя́тие, е́же терпи́ши за милосе́рдие ми́лости, Бо́же Преблаги́й, Безгре́шне Го́споди. Е́йже ве́рно возопии́м: благоутро́бие покажи́, Де́во, на ны́, и согреше́ний оставле́ние да́руй, покланя́ющымся Того́ страда́нием.
Кафизма 11
Пс.77; Слава: Пс.78-80; Слава: Пс.81-84;
И седален по 2-ом стихословии.
Глас 8: Посреде́ Еде́ма дре́во процвете́ сме́рть, посреде́ же всея́ земли́ дре́во возрасти́ жи́знь: вкуси́вше бо пе́рвее плода́, нетле́нни су́ще, тле́нни бы́хом: улучи́вше же второ́е, нетле́ния наслади́хомся: Кресто́м бо спаса́еши я́ко Бо́г, ро́д челове́ческий.
Стих: Бо́г же Ца́рь на́ш пре́жде ве́ка, соде́ла спасе́ние посреде́ земли́.
В раи́ мя пре́жде дре́во обнажи́, внуше́нием вра́г внося́ умерщвле́ние: Креста́ же дре́во, жи́зни ве́чныя одея́ния челове́ком нося́, водрузи́ся на земли́, и ми́р ве́сь испо́лнися вся́кия ра́дости. Его́же зря́ще возноси́ма, Бо́гу ве́рою лю́дие согла́сно возопии́м: испо́лнь сла́вы до́м Тво́й.
Стих: Ди́вен Бо́г во святы́х Свои́х, Бо́г Изра́илев.
Вселе́нней свети́ла присносве́тлая показа́стеся ве́рою: му́ченическую всю́ возложи́вше наде́жду на Бо́га, и мы́сленным еле́ем Ду́ха Свята́го, душе́вныя свещы́ ва́шя просвети́сте. Те́мже и ча́шы у́мныя, челове́ком пролива́юще исцеле́ния я́коже во́ды, це́ркви яви́стеся, страстоте́рпцы всехва́льнии. Моли́те Христа́ Бо́га, прегреше́ний оставле́ние дарова́ти, пра́зднующым любо́вию святу́ю па́мять ва́шу.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Крестобогородичен, глас 8: Де́во, из Тебе́ вопло́щшагося, я́ко ви́дела еси́ возвыша́ема на Кре́ст посреде́ двою́ разбо́йнику, пла́чь восприе́мши вопия́ше: увы́ мне́ ча́до сладча́йшее, ка́ко во́лею ра́спят бы́сть, и́же грехи́ взе́мляй ми́ра я́ко благоутро́бен? Челове́ческим хотя́, я́ко Бо́г, пе́снем хвале́ния приноси́мым бы́ти тебе́.
Величание
Седален праздника / Ипакои
Прокимен
Евангелие
Стихиры по 50 псалме
Канон
Песнь 1
Кано́н Креста́, творе́ние Ио́сифово. Глас 8. На 6. + Други́й кано́н Богоро́дице. Глас 8. На 4. + Кано́н священному́ченика. Глас 8. На 4.
Песнь 1
Ирмос, глас 8: Колесницегони́теля фарао́ня погрузи́, чудотворя́й иногда́ Моисе́йский же́зл, крестообра́зно порази́в, и раздели́в мо́ре: Изра́иля же беглеца́ пешехо́дца спасе́, пе́снь Бо́гови воспева́юща.
Припев: Сла́ва, Го́споди, Кресту́ Твоему́ честно́му.
И́же от Дре́ва сла́стною сне́дию ме́ртва мя́ бы́вшаго, на Кресте́ Сло́ве умертви́выйся, оживи́л еси́, и сла́вою удобри́л еси́: покланя́юся Твое́й держа́ве, славосло́вя страда́ния, и благоутро́бие неисче́тное.
Припев: Сла́ва, Го́споди, Кресту́ Твоему́ честно́му.
Егда́ распростре́ся на Дре́ве виногра́д невозде́ланный, вино́ на́м Боже́ственныя благода́ти источи́, сердца́ веселя́щее, и пре́лести пия́нство отню́д потребля́ющее, и грехи́ очища́ющее.
Припев: Святи́и му́ченицы, моли́те Бо́га о нас.
Мученичен: Преиспещре́ни ра́нами, великому́ченицы, и страда́ний боле́зньми украша́еми, красны́ добротвори́тельному Влады́це предста́сте со сла́вою, всесла́вно веселя́щеся, и богови́дны познава́еми.
Припев: Святи́и му́ченицы, моли́те Бо́га о нас.
Мученичен: Си́лою Боже́ственною проявле́нно укрепля́еми, святи́и, си́льнаго всю́ кре́пость губи́тельную му́жески низложи́сте: и венча́вшеся красно́ победи́тельными венцы́, ра́дующеся Бо́гу предста́сте.
Припев: Пресвята́я Богоро́дице, спаси́ нас.
Богородичен: Предстоя́щи Кресту́ Твоему́, Го́споди, Неискусобра́чная, и Твое́ уязвле́ние зря́щи, Влады́ко, уязвля́ема глаго́лаше: увы́ Мне́ Ча́до, боле́зни избе́гши в Рождестве́ Твое́м, ны́не боле́зненно терза́юся.
Припев: Пресвята́я Богоро́дице, спаси́ нас.
На Тя́, Де́во, наде́жду возложи́х спасе́ния моего́, грехо́вныя скве́рны всего́ мя омы́й, и чи́ста соде́лай, Бо́гу и Сы́ну Твоему́ благоугожда́ти и де́яти, и Того́ Всесвято́му и́мени.
Припев: Пресвята́я Богоро́дице, спаси́ нас.
Две́ри све́та, о́чи мои́ просвети́, и́же помрачи́ мра́чный зми́й тьмо́ю прегреше́ний, и две́ри ми́ отве́рзи покая́ния, Де́во, и к животу́ наста́ви мя́, от пла́мене и тьмы́ исхити́.
Припев: Пресвята́я Богоро́дице, спаси́ нас.
Ма́ти Бо́жия, я́ко дерзнове́ние иму́щи к ро́ждшемуся из Тебе́, единоро́дному Сло́ву, и Отцу́ собезнача́льному, моли́, Всенепоро́чная, ду́шу мою́ изба́вити от бесо́вскаго озлобле́ния, и огня́, и вся́каго муче́ния.
Припев: Пресвята́я Богоро́дице, спаси́ нас.
Благослове́н Пло́д, Богоневе́сто, Твоего́ чре́ва, И́мже земни́и вси́ от кля́твы изба́вихомся, Благослове́нная, Пречи́стая, несказа́нное чу́до, недоразуме́емое ве́дение, все́х ве́рных спасе́ние.
Припев: Священному́чениче Дорофе́е, моли́ Бо́га о нас.
Дар Бо́гу, всеблаже́нне, тебе́ сама́го прине́сл еси́ чисте́йший,/ житие́м соверше́нным и честны́м муче́нием, Дорофе́е.
Припев: Священному́чениче Дорофе́е, моли́ Бо́га о нас.
Я́коже зрел грозд, о́тче, изгне́т мысль,/ весе́лия ча́шу – ве́рным уче́ния предложи́л еси́.
Сла́ва Отцу́, и Сы́ну, и Свято́му Ду́ху.
То́ки ле́стныя уста́вил еси́, Дорофе́е, тече́ньми прему́драго твоего́ язы́ка/ и ве́рных мы́сли напои́л еси́.
И ны́не, и при́сно, и во ве́ки веко́в. Ами́нь.
Богородичен: Одожди́ ми, Де́во, молю́ся, ка́пли умиле́ния,/ прибы́вшую ми скве́рну отмыва́ющия,/ я́ко да сла́влю Тя.
Песнь 2
Песнь 3
Кано́н Креста́, творе́ние Ио́сифово. Глас 8. На 6. + Други́й кано́н Богоро́дице. Глас 8. На 4. + Кано́н священному́ченика. Глас 8. На 4.
Песнь 3
Ирмос, глас 8: Утвержде́й в нача́ле Небеса́ ра́зумом, и зе́млю на вода́х основа́вый, на ка́мени мя́, Христе́, за́поведей Твои́х утверди́: я́ко не́сть свя́т, па́че Тебе́, Еди́не Человеколю́бче.
Припев: Сла́ва, Го́споди, Кресту́ Твоему́ честно́му.
Утвержде́й небеса́, и зе́млю основа́вый, и мо́ре сло́вом связа́вый, Ты́ свя́зан бы́л еси́ мене́ ра́ди, и на Кресте́ пригвожда́емь: я́ко да от у́з греха́ разреши́ши мя́, Человеколю́бче.
Припев: Сла́ва, Го́споди, Кресту́ Твоему́ честно́му.
Кре́стному дре́ву вра́г прирази́вся, умертви́ся с бе́сы свои́ми злоде́йственными: и вкуше́нием лука́вым осужде́нный, поми́лован бы́сть, и утвержде́нием благоче́стия тва́рь утверди́ся.
Припев: Святи́и му́ченицы, моли́те Бо́га о нас.
Мученичен: Многови́дным ра́нам, и мече́м, и звере́м, и обнаже́нием теле́сным вдава́еми, лука́вым гони́телем, Боже́ственнии и до́блии страда́льцы, и не я́ты пребы́ша манове́нием лу́чшим.
Припев: Святи́и му́ченицы, моли́те Бо́га о нас.
Мученичен: Взира́юще помышле́нием, и тре́звенною мы́слию к бу́дущым, и теку́щыя до конца́ пренебрего́ша Христо́вы му́ченицы сла́внии: те́мже нестерпи́мыя боле́зни претерпе́ша ра́дующеся.
Припев: Пресвята́я Богоро́дице, спаси́ нас.
Богородичен: Многопе́тая А́гница, А́гнца зря́щи воздвиза́ема на Дре́во непра́ведне, пла́чущи восклица́ше, ма́терски слезя́щи: и долготерпе́ние поя́ше, Того́ сла́вящи.
Припев: Пресвята́я Богоро́дице, спаси́ нас.
Все́ мое́ жела́ние к Тебе́ движа́, Влады́чице Чи́стая, плотски́х мя́ жела́ний вско́ре премени́.
Припев: Пресвята́я Богоро́дице, спаси́ нас.
Возсия́й ми́ покая́ния чи́стыя зари́, Влады́чице, две́ре све́та, и грехо́в мои́х мглу́ потреби́.
Припев: Пресвята́я Богоро́дице, спаси́ нас.
Еди́на Всенепоро́чная, поро́ка вся́каго на́с изба́ви, и искуше́ний находя́щих, и огня́ ве́чнующаго.
Припев: Пресвята́я Богоро́дице, спаси́ нас.
Ускори́ посети́ти боля́щаго, Пречи́стая, и от лю́тыя ра́ны изба́ви мя́, и вся́кия ско́рби.
Припев: Священному́чениче Дорофе́е, моли́ Бо́га о нас.
Нощь отгна́л еси́ су́етства вся́ку/ блиста́нии, о́тче святи́телю, прему́драго пропове́дания.
Припев: Священному́чениче Дорофе́е, моли́ Бо́га о нас.
Чудесы́ утверди́л еси́ и свяще́нными, му́дре, уче́нии/ ве́рных всех мы́сли, я́ко па́стырь свяще́нен.
Сла́ва Отцу́, и Сы́ну, и Свято́му Ду́ху.
Пома́за тя Госпо́дь свяще́нным, о́тче, пома́занием/ и Своея́ Боже́ственныя Це́ркве пастыренача́льника поста́ви.
И ны́не, и при́сно, и во ве́ки веко́в. Ами́нь.
Богородичен: Все се́рдце мое́ Боже́ственным све́том просвети́, две́ре Све́та,/ грехо́вное омраче́ние отгоня́щи.
Катавасия
Ирмос, глас 8: Ты еси́ утвержде́ние/ притека́ющих к Тебе́, Го́споди,/ Ты еси́ Свет омраче́нных,/ и пое́т Тя дух мой.
Кондаки по 3 песне
Седален
Глас 3: Боже́ственными догма́ты при́сно сия́ющ дар святы́й,/ тебе́ сама́го прине́сл еси́ Безсме́ртному Царю́, пострада́в, Дорофе́е,/ и обита́еши ны́не, при́сно веселя́ся,/ перворо́дных в Го́рней митропо́лии./ О́тче преподо́бне, Христа́ Бо́га моли́/ дарова́ти нам ве́лию ми́лость.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Крестобогородичен, глас 3: Нескве́рная А́гница Сло́ва, Нетле́нная Де́ва Ма́ти,/ на Кресте́ зря́щи пове́шена из Нея́ без боле́зни прозя́бшаго,/ ма́терски подо́бно рыда́ющи, вопия́ше:/ увы́ Мне, Ча́до Мое́, ка́ко стра́ждеши во́лею,/ хотя́ изба́вити от страсте́й безче́стия челове́ка?
Песнь 4
Кано́н Креста́, творе́ние Ио́сифово. Глас 8. На 6. + Други́й кано́н Богоро́дице. Глас 8. На 4. + Кано́н священному́ченика. Глас 8. На 4.
Песнь 4
Ирмос, глас 8: Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча, и на́шу нищету́ посети́в. Те́м с проро́ком Авваку́мом зову́ Ти: си́ле Твое́й сла́ва, Человеколю́бче.
Припев: Сла́ва, Го́споди, Кресту́ Твоему́ честно́му.
Ро́д челове́ческий от паде́ния призва́ся, его́же подъя́т дре́вле первозда́нный: все́х бо соде́тель воздви́жен бы́сть на Дре́во, пе́рсты окровавля́емь, и гвоздьми́ во́лею пригвожда́емь в ру́це, и в ре́бра копие́м пробода́емь.
Припев: Сла́ва, Го́споди, Кресту́ Твоему́ честно́му.
Ста́ кре́ст, и ле́сть вся́ низпаде́ся: Тебе́, Спа́се, обнаже́ну бы́вшу, обнажи́ся чу́ждий: и Ада́м Боже́ственнаго нетле́ния ри́зою оде́ян бы́сть, тва́рь просвети́ся помрача́ему со́лнцу, на Дре́ве, Христе́, распина́ему Ти́.
Припев: Святи́и му́ченицы, моли́те Бо́га о нас.
Мученичен: Но́ваго заколе́ния, я́коже овча́та, му́ченицы, пожре́ному сло́ву принесо́стеся: кро́вными тече́нии, пре́лести моря́ изсуши́вше Боже́ственною благода́тию, излия́ние страсте́й одожде́нием чуде́с потребля́ете всегда́ сла́внии.
Припев: Святи́и му́ченицы, моли́те Бо́га о нас.
Мученичен: Отсече́ние удо́в все́х подъя́сте, му́ченицы, и зубо́в и ногте́й искорене́ние, ру́к отре́зание неща́дно, язы́ка же и но́г и соста́вов теле́сных: те́мже превели́кия сподо́бистеся сла́вы, все́х Бо́гу предстоя́ще.
Припев: Пресвята́я Богоро́дице, спаси́ нас.
Богородичен: Своего́ си Юнца́ Непоро́чная Ю́ница ви́девши на Дре́во воздви́жена, вопия́ше со восклица́нием: Ча́до, ка́ко Тя́ законопресту́пных со́нм отню́д не уще́дри, уще́дрившаго и́? но усмотре́нием льсти́вым сме́рти преда́ти непра́ведно произво́ли.
Припев: Пресвята́я Богоро́дице, спаси́ нас.
Ду́шу мою́, омраче́нную прегреше́ньми, озари́ све́том, Присноде́во, я́же со́лнце ро́ждшая пра́вды.
Припев: Пресвята́я Богоро́дице, спаси́ нас.
Искуше́ний мя́ исхити́, и жития́ душетле́нныя бу́ри, и огня́ ве́чнаго свободи́ мя, Богоневе́сто.
Припев: Пресвята́я Богоро́дице, спаси́ нас.
Де́вства свяще́нный сосу́де, и невмести́маго естество́м вселе́ние, ду́шу мою́ омраче́нную от мно́гих страсте́й, просвети́.
Припев: Пресвята́я Богоро́дице, спаси́ нас.
Всесвята́я Богоневе́сто, Влады́чице ми́ра, Ты́ мя спаси́, от бе́д избавля́ющи, и страсте́й молву́ отгоня́ющи.
Припев: Священному́чениче Дорофе́е, моли́ Бо́га о нас.
Возноси́мую оплева́л еси́, преподо́бне, зи́му безбо́жия/ и теплото́ю Боже́ственнаго Ду́ха невреди́мо се́рдце соблю́л еси́.
Припев: Священному́чениче Дорофе́е, моли́ Бо́га о нас.
Сокруши́шася, Дорофе́е блаже́нне, пред лице́м твои́м го́ры ну́ждныя де́монския/ и иста́яша злочести́вых челове́к шата́ния.
Сла́ва Отцу́, и Сы́ну, и Свято́му Ду́ху.
Терпе́л еси́, оскорбля́емь, от гра́да во град изгони́м,/ те́мже блаже́нную улучи́л еси́ му́ченик сла́ву и све́тлость.
И ны́не, и при́сно, и во ве́ки веко́в. Ами́нь.
Богородичен: Искуше́ний мя спаси́ и душетле́нныя страсте́й бу́ри,/ я́ко да ве́рою ублажа́ю Тя, Пресвята́я Отрокови́це, Ма́ти Де́во.
Песнь 5
Кано́н Креста́, творе́ние Ио́сифово. Глас 8. На 6. + Други́й кано́н Богоро́дице. Глас 8. На 4. + Кано́н священному́ченика. Глас 8. На 4.
Песнь 5
Ирмос, глас 8: Вску́ю мя́ отри́нул еси́ от Лица́ Твоего́, Све́те Незаходи́мый, и покры́ла мя́ е́сть чужда́я тьма́ окая́ннаго? но обрати́ мя, и к све́ту за́поведей Твои́х пути́ моя́ напра́ви, молю́ся.
Припев: Сла́ва, Го́споди, Кресту́ Твоему́ честно́му.
Да сла́стнаго вкуше́ния изба́виши мя́, же́лчи долготерпели́ве вкуси́л еси́ хотя́: и я́ко да ме́ртвости совлече́ши мя́, Иису́се, страсте́й, на́г пригвозди́тися изво́лил еси́ на дре́ве: пою́ Твое́ благоутро́бное.
Припев: Сла́ва, Го́споди, Кресту́ Твоему́ честно́му.
Истле́вшую страстьми́ ду́шу мою́, Сло́ве, но́ву творя́, ду́шу пре́дал еси́ Отцу́, на Дре́ве ви́ся, и не терпи́т безду́шная земля́ сия́ поразумева́ющи, но стра́хом коле́блется воспева́ющи Тя́.
Припев: Святи́и му́ченицы, моли́те Бо́га о нас.
Мученичен: Украси́стеся, му́ченицы, Боже́ственными страстьми́ удобря́еми, и стопа́м после́довавше страстьми́ все́м безстра́стие пода́вшему, Сло́ву Единоро́дному, Отца́ Безнача́льнаго: сего́ ра́ди с Ни́м прославля́етеся.
Припев: Святи́и му́ченицы, моли́те Бо́га о нас.
Мученичен: Устрани́вшеся до́льних, неви́димыя насле́довасте, в небе́сных водворя́ющеся Боже́ственных селе́ниих, и прича́стием Боже́ственным обожа́еми невеще́ственно, Спа́совы непобеди́мии му́ченицы.
Припев: Пресвята́я Богоро́дице, спаси́ нас.
Богородичен: Стра́нно виде́ние, ви́жу, взыва́ше Препе́тая: ка́ко и́же зре́нием всю́ зе́млю коле́бляй, на Дре́ве возвыша́емь усну́л еси́, спя́щыя от ве́ка хотя́ возбуди́ти? покланя́юся Сы́не, Твоему́ долготерпе́нию.
Припев: Пресвята́я Богоро́дице, спаси́ нас.
Пое́м Тя́, Де́во Всепе́тая, я́же сло́во Бо́жие вмести́вшая во чре́ве Твое́м, Пренепоро́чная.
Припев: Пресвята́я Богоро́дице, спаси́ нас.
Огня́ негаси́маго, и че́рвия изба́ви мя́, Ма́ти Бо́жия, я́ко иму́щая е́же ми́ловати целе́бно.
Припев: Пресвята́я Богоро́дице, спаси́ нас.
Стена́ Ты́ ве́рных и держа́ва всесвята́я еси́, спаса́ющи от искуше́ний пою́щыя Тя́.
Припев: Пресвята́я Богоро́дице, спаси́ нас.
Неду́гующую ду́шу мою́ исцели́, ро́ждшая все́х Спасе́ние, и взе́млющаго неду́ги, Пречи́стая Влады́чице.
Припев: Священному́чениче Дорофе́е, моли́ Бо́га о нас.
Смотря́я разу́мно воздая́ния Боже́ственная, Дорофе́е,/ вели́кия беды́ и напа́сти претерпе́л еси́.
Припев: Священному́чениче Дорофе́е, моли́ Бо́га о нас.
Еди́нством Божества́ пропове́дая Тро́ицу, Дорофе́е,/ многобо́жнаго неи́стовства су́етное погуби́л еси́ шата́ние.
Сла́ва Отцу́, и Сы́ну, и Свято́му Ду́ху.
Не поклони́вся, му́чениче, дело́м рук беззако́нных,/ терпе́л еси́ искуше́ния, и беды́, и ра́ны, и боле́зни, Дорофе́е.
И ны́не, и при́сно, и во ве́ки веко́в. Ами́нь.
Богородичен: Восто́к Со́лнца, пре́жде денни́цы возсия́вшаго, была́ еси́,/ И́мже свет су́щии во тьме лю́тых, Чи́стая, ви́деша.
Песнь 6
Кано́н Креста́, творе́ние Ио́сифово. Глас 8. На 6. + Други́й кано́н Богоро́дице. Глас 8. На 4. + Кано́н священному́ченика. Глас 8. На 4.
Песнь 6
Ирмос, глас 8: Бе́здна грехо́в и прегреше́ний бу́ря мя́ смуща́ет, и во глубину́ ну́жднаго ре́ет мя́ отча́яния: но Твою́ кре́пкую ру́ку мне́ простри́ я́ко Петро́ви, о Упра́вителю, и спаси́.
Припев: Сла́ва, Го́споди, Кресту́ Твоему́ честно́му.
Воспе́ша небе́сныя си́лы вся́ и удиви́шася, на Кресте́ Тя, Сло́ве, взира́юще ви́сяща: и Ада́м уя́звленный, Спа́се, исцеле́ я́звою Твое́ю, и кля́тва прогна́на бы́сть.
Припев: Сла́ва, Го́споди, Кресту́ Твоему́ честно́му.
Разреша́ется от у́з нереши́мых челове́чество, Тебе́, Сло́ве, пло́тию свя́зану бы́вшу: и связу́ется мучи́тель я́ко пти́ца, и от все́х ве́рных наруга́емь: сла́ва Христе́ благоутро́бию Твоему́.
Припев: Святи́и му́ченицы, моли́те Бо́га о нас.
Мученичен: Яви́стеся, богозра́чнии страстоте́рпцы, я́коже у́глие, вся́ку злоче́стия ве́щь попаля́юще благода́тию, на у́глиях же огня́ всесожига́еми, и Боже́ственное прохлажде́ние прие́млюще.
Припев: Святи́и му́ченицы, моли́те Бо́га о нас.
Мученичен: Овча́та и́стиннаго па́стыря, страстоно́сцы, явля́еми, посреде́ ди́виих волко́в неврежде́ни пребы́сте, и сконча́вше до́бре тече́ние Боже́ственнии, ко огра́ду небе́сную всели́стеся.
Припев: Пресвята́я Богоро́дице, спаси́ нас.
Богородичен: Го́спода Тя́ живота́ породи́х, и кра́сна добро́тою па́че сыно́в челове́ческих, Де́ва взыва́ше: и ка́ко ны́не умира́еши, Сы́не, добро́ты не име́я в распя́тии, удобри́вый вся́ манове́нием?
Припев: Пресвята́я Богоро́дице, спаси́ нас.
Мари́е, чи́стое и всечестно́е жили́ще все́х Соде́теля, ду́шу очища́ющыя пода́ждь ми́ сле́зы, и бу́дущаго суда́ и му́ки исхити́ мя.
Припев: Пресвята́я Богоро́дице, спаси́ нас.
Две́ри Бо́жия, вхо́ды Боже́ственныя покажи́ смире́нней мое́й души́: в ня́же вше́д испове́даяся, злы́х разреше́ние, Богоро́дице, восприиму́.
Припев: Пресвята́я Богоро́дице, спаси́ нас.
Пучи́на грехо́в, и во́лны отча́яния обурева́ют мо́й у́м: умилосе́рдися, Влады́чице, и ру́ку ми́ простри́, и спаси́ мя, я́же Спа́са ро́ждшая.
Припев: Пресвята́я Богоро́дице, спаси́ нас.
Тя́ предста́тельницу и сте́ну ве́рнии вси́ и́мамы, и́же во глубине́ злы́х, и мяте́жей и скорбе́й при́сно бе́дствующии, Богоро́дице, Еди́на ве́рных прибе́жище.
Припев: Священному́чениче Дорофе́е, моли́ Бо́га о нас.
Се́рдце, разжже́но дыха́нии Ду́ха, стяжа́л еси́,/ духо́в, Дорофе́е, сопроти́вных стремле́ние разруша́ющо.
Припев: Священному́чениче Дорофе́е, моли́ Бо́га о нас.
Святы́х жития́ свяще́нными списа́ньми яви́л еси́, о́тче Богодохнове́нне,/ Боже́ственным ра́зумом ду́шу просвеща́я.
Сла́ва Отцу́, и Сы́ну, и Свято́му Ду́ху.
Глаго́л твои́х веща́ние и кра́сных уче́ний си́ла/ всю обтече́, преблаже́нне, зе́млю Боже́ственною благода́тию.
И ны́не, и при́сно, и во ве́ки веко́в. Ами́нь.
Богородичен: Де́во, Его́же родила́ еси́, Бо́га, Челове́ка бы́вша,/ Того́ моли́ изба́вити мя огня́ и му́ки.
Катавасия
Ирмос, глас 8: Ри́зу мне пода́ждь све́тлу,/ одея́йся све́том, я́ко ри́зою,/ Многоми́лостиве Христе́ Бо́же наш.
Кондаки по 6 песне
Кондак
Глас 5: Доброде́тельми сия́я, и Боже́ственными уче́нии па́че со́лнца,/ и страда́нии, блаже́нне, облиста́л еси́,/ просвети́л еси́ зе́млю, Дорофе́е, отгна́в мглу многобо́жия и лю́тыя е́реси./ Сего́ ра́ди па́мять твою́ све́тло пра́зднуем.
Песнь 7
Кано́н Креста́, творе́ние Ио́сифово. Глас 8. На 6. + Други́й кано́н Богоро́дице. Глас 8. На 4. + Кано́н священному́ченика. Глас 8. На 4.
Песнь 7
Ирмос, глас 8: Бо́жия снизхожде́ния о́гнь устыде́ся в Вавило́не иногда́. Сего́ ра́ди о́троцы в пещи́ ра́дованною ного́ю, я́ко во цве́тнице лику́юще, поя́ху: благослове́н еси́ Бо́же оте́ц на́ших.
Припев: Сла́ва, Го́споди, Кресту́ Твоему́ честно́му.
Ура́нен бы́л еси́ в ру́це Твои́, Христе́, и́маже соде́лал еси́ чудеса́: и ра́ны претерпе́л еси́, ра́ны моя́ вся́ исцеля́я. Пою́ Тя, Еди́не Долготерпели́ве, зовы́й: благослове́н Бо́г оте́ц на́ших.
Припев: Сла́ва, Го́споди, Кресту́ Твоему́ честно́му.
Пригвожде́н бы́л еси́ в ру́це Твои́ и но́зе гвоздьми́, Спа́се, распина́емь, и в ре́бра прободе́н бы́в, ка́пли источа́я все́м оставле́ния пою́щым непреста́нно, и глаго́лющым: благослове́н Бо́г оте́ц на́ших.
Припев: Святи́и му́ченицы, моли́те Бо́га о нас.
Мученичен: Ли́к соста́вим песносло́вяще Бо́жия му́ченики, и́же лико́м а́нгельским сопричте́ныя, и земны́я просвеща́ющыя, и всегда́ пою́щыя: благослове́н Бо́г оте́ц на́ших.
Припев: Святи́и му́ченицы, моли́те Бо́га о нас.
Мученичен: Во святы́х све́тлостех освяти́вшеся всели́стеся, посыла́юще все́м освяще́ние же и избавле́ние, восхваля́ющым ва́с, Боже́ственнии му́ченицы, и воспева́ющым Христа́, Оте́ц на́ших Бо́же благослове́н еси́.
Припев: Пресвята́я Богоро́дице, спаси́ нас.
Богородичен: Незаходи́мое со́лнце, ка́ко за́йде на дре́ве распина́емь? Де́ва вопия́ше Ти́, Сло́ве: и ви́дев со́лнце, оста́ви тече́ние, свети́ти не моги́й, Тебе́ стра́ждущу, Влады́ко. Песносло́влю Твое́, Сы́не, беззло́бие.
Припев: Пресвята́я Богоро́дице, спаси́ нас.
Молю́ Тя, Пречи́стая, умертви́ живу́щий во мне́ гре́х, и живота́ получи́ти сподо́би мя́, Де́во: и ча́сти мя́ изба́ви та́мо му́чимых.
Припев: Пресвята́я Богоро́дице, спаси́ нас.
Стра́сти разли́чныя мя́ обурева́ют, Ро́ждшая, Чи́стая, Исто́чника безстра́стия, те́х одержа́ния, и огня́ ве́чнаго изба́ви мя́, Богоро́дице, моли́твами Твои́ми.
Припев: Пресвята́я Богоро́дице, спаси́ нас.
Нра́вом во́льным согреша́ю, и порабоща́емь е́смь безме́стным обы́чаем, ны́не ко обы́чней Твое́й ми́лости притека́ю: отча́яннаго спаси́ мя, Всесвята́я Богоро́дице.
Припев: Пресвята́я Богоро́дице, спаси́ нас.
Угаси́ пла́мень страсте́й мои́х, и утиши́ бу́рю се́рдца моего́, Богома́ти Чи́стая: и изба́ви мя́, Пречи́стая, от бесо́в мучи́тельства, и огня́ ве́чнаго.
Припев: Священному́чениче Дорофе́е, моли́ Бо́га о нас.
Звезда́ многосве́тлая яви́лся еси́, светлостьми́ страда́ний твои́х просвеща́я ду́ши/ ве́рно, Дорофее, вопию́щих:/ благослове́н еси́, Го́споди Бо́же, во ве́ки.
Припев: Священному́чениче Дорофе́е, моли́ Бо́га о нас.
Стезя́ми пра́выми ходя́, низве́ргл еси́ де́бри льсти́ваго,/ к путе́м живо́тным наставля́я вопию́щия:/ благослове́н еси́, Го́споди Бо́же, во ве́ки.
Сла́ва Отцу́, и Сы́ну, и Свято́му Ду́ху.
Угаси́л еси́ ту́чами крове́й твои́х, всесла́вне, пещь преле́стную/ и на воде́ жи́зни всели́лся еси́, взыва́я:/ благослове́н еси́, Го́споди Бо́же, во ве́ки.
И ны́не, и при́сно, и во ве́ки веко́в. Ами́нь.
Богородичен: Изба́ви соу́з греха́ окая́нную мою́ ду́шу, Богороди́тельнице,/ и любви́ Бо́жией припрязи́ соверше́ние,/ да ве́рно сла́влю Тя, Богоро́дице, во ве́ки.
Песнь 8
Кано́н Креста́, творе́ние Ио́сифово. Глас 8. На 6. + Други́й кано́н Богоро́дице. Глас 8. На 4. + Кано́н священному́ченика. Глас 8. На 4.
Песнь 8
Ирмос, глас 8: Седмери́цею пе́щь халде́йский мучи́тель богочести́вым неи́стовно разжже́, си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы благослови́те, свяще́нницы воспо́йте, лю́дие превозноси́те во вся́ ве́ки.
Припев: Сла́ва, Го́споди, Кресту́ Твоему́ честно́му.
Из ко́рене, Христе́, прозя́бл еси́ Иессе́ова воплоща́емь, и искореня́еши изра́стшее те́рние Ада́мова преступле́ния, вене́ц нося́й терно́в: на дре́ве же пригво́ждься, ю́же от дре́ва исцеля́еши изра́стшую кля́тву, и пою́щыя спаса́еши: свяще́нницы воспо́йте, лю́дие превозноси́те во вся́ ве́ки.
Припев: Сла́ва, Го́споди, Кресту́ Твоему́ честно́му.
Да Бо́га челове́ка соде́лаеши, Человеколю́бче, бы́л еси́ челове́к, и Кресту́ приобщи́вся в ре́бра пробода́емь, и оцтом с же́лчию напоя́емь, отону́дуже спа́сшиися Твои́ми страстьми́, Сло́ве, вопие́м благода́рственно: свяще́нницы воспо́йте, лю́дие превозноси́те Христа́ во вся́ ве́ки.
Припев: Святи́и му́ченицы, моли́те Бо́га о нас.
Мученичен: Свя́зани бы́вше му́ченицы, и я́ко А́гнцы закала́еми, и на огни́ неми́лостивно испеца́еми, звере́м же отдава́еми, и в главы́ усека́еми, ра́довастеся ра́достию неизглаго́ланною, вопию́ще: де́ти благослови́те, свяще́нницы воспо́йте, лю́дие превозноси́те Христа́ во ве́ки.
Припев: Святи́и му́ченицы, моли́те Бо́га о нас.
Мученичен: Венцено́сцы му́ченицы, А́нгелом соприча́стницы, и́же безпло́тныя враги́ попра́вше, моли́тву сотвори́те о на́с ко Го́споду, я́ко да в любви́ и во мно́зе единомы́слии поживе́м, вопию́ще несумне́нным се́рдцем: де́ти благослови́те, свяще́нницы воспо́йте, лю́дие превозноси́те Христа́ во ве́ки.
Припев: Пресвята́я Богоро́дице, спаси́ нас.
Богородичен: Боле́зненне стеню́щи, ма́терски восклица́ше, и утро́бнаго смуще́ния не терпя́щи на Кресте́, взира́ше к ро́ждшемуся из Твоего́ чре́ва, вопию́щи: что́ зре́ние сие́, Ча́до, ка́ко стра́ждеши, и́же естество́м безстра́стный, вся́ко хотя́ ро́д челове́ческий от страсте́й свободи́ти?
Припев: Пресвята́я Богоро́дице, спаси́ нас.
Богороди́тельнице Де́во, Ты́ моя́ грехи́ и бре́мя облегчи́ от прегреше́ний, я́ко да Тя́ велича́ю.
Припев: Пресвята́я Богоро́дице, спаси́ нас.
Я́же судию́ ро́ждши и Бо́га, мольба́ми благопремени́тельными Твои́ми ми́лостива мне́ того́ покажи́, Чи́стая: я́ко да спасе́т мя́ от ве́чнаго огня́.
Припев: Пресвята́я Богоро́дице, спаси́ нас.
Прегреше́ния моя́ мно́га превзыдо́ша, Богоро́дице, да́ждь ми́ ны́не ру́ку по́мощи, и от пла́мене негаси́маго изба́ви мя́ непотре́бнаго.
Припев: Пресвята́я Богоро́дице, спаси́ нас.
Просвети́, Пречи́стая, се́рдца моего́ о́чи молю́ся, че́рностию грехо́вною ослепле́ныя, и прия́тны Боже́ственнаго сия́ния покажи́, я́ко да явлю́ся Тебе́ ра́ди Твоему́ Сы́ну чи́ст.
Припев: Священному́чениче Дорофе́е, моли́ Бо́га о нас.
Хва́лящагося зми́я в зло́бе, смири́вся о Го́споде, о́тче, смири́л еси́, вопия́:/ благослови́те, вся дела́ Госпо́дня, Го́спода.
Припев: Священному́чениче Дорофе́е, моли́ Бо́га о нас.
Во глубо́цей тя ста́рости в нестаре́ющихся поко́йных ме́стех Зижди́тель всели́,/ свяще́нный о́тче, му́чеников украше́ние.
Благослови́м Отца́ и Сы́на и Свята́го Ду́ха, Го́спода.
Житие́ равноа́нгельно име́я,/ со А́нгелы Влады́ки твоего́ престо́лу ны́не предстои́ши, вопия́:/ благослови́те, вся дела́ Госпо́дня, Го́спода.
И ны́не, и при́сно, и во ве́ки веко́в. Ами́нь.
Богородичен: Кра́сная, Де́во, яви́лася еси́,/ прекра́сное Сло́во поро́ждши, Ему́же пое́м:/ благослови́те, вся дела́ Госпо́дня, Го́спода.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
Катавасия
Ирмос, глас 8: Богоглаго́ливии о́троцы в пещи́,/ со огне́м пла́мень попира́юще, поя́ху:/ благослови́те, дела́ Госпо́дня, Го́спода.
Песнь Богородице
Диакон: Богоро́дицу и Мате́рь Све́та в пе́снех возвели́чим.
Песнь Пресвятыя Богородицы
Лик: Вели́чит душа́ Моя́ Го́спода, и возра́довася дух Мой о Бо́зе Спа́се Мое́м.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Я́ко призре́ на смире́ние Рабы́ Своея́, се бо от ны́не ублажа́т Мя вси ро́ди.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Я́ко сотвори́ Мне вели́чие Си́льный, и свя́то и́мя Его́, и ми́лость Его́ в ро́ды родо́в боя́щимся Его́.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Сотвори́ держа́ву мы́шцею Свое́ю, расточи́ го́рдыя мы́слию се́рдца их.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Низложи́ си́льныя со престо́л, и вознесе́ смире́нныя; а́лчущия испо́лни благ, и богатя́щияся отпусти́ тщи.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Восприя́т Изра́иля о́трока Своего́, помяну́ти ми́лости, я́коже глаго́ла ко отце́м на́шим, Авраа́му и се́мени его́ да́же до ве́ка.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Песнь 9
Кано́н Креста́, творе́ние Ио́сифово. Глас 8. На 6. + Други́й кано́н Богоро́дице. Глас 8. На 4. + Кано́н священному́ченика. Глас 8. На 4.
Песнь 9
Ирмос, глас 8: Ужасе́ся о се́м не́бо, и земли́ удиви́шася концы́, я́ко Бо́г яви́ся челове́ком пло́тски, и чре́во Твое́ бы́сть простра́ннейшее небе́с. Те́м Тя́, Богоро́дицу, А́нгелов и челове́к чинонача́лия велича́ют.
Припев: Сла́ва, Го́споди, Кресту́ Твоему́ честно́му.
Исцели́л еси́, Влады́ко, моя́ я́звы, уязви́вся и окровави́в ру́це свои́, и к путе́м ходи́ти спаси́тельным, я́ко бла́г напра́вил мя́ еси́, Го́споди, но́зе ископа́в своя́ на Кресте́, и́хже дре́вле родонача́льницы ви́девше ходя́ща тя́ в раи́, сокрыва́хуся.
Припев: Сла́ва, Го́споди, Кресту́ Твоему́ честно́му.
Испра́вившуся Ти́ на Кресте́, испра́вися пады́й паде́нием ве́лиим первозда́нный. Кре́пость же вся́ паде́ся вра́жия, вся́ же земля́ освяти́ся кро́вию и водо́ю, от ре́бр Твои́х излия́нною. Те́мже Тя́, Всеще́дре, непреста́нно велича́ем.
Припев: Святи́и му́ченицы, моли́те Бо́га о нас.
Мученичен: Вя́жеми, святи́и му́ченицы, вяза́ния лука́ваго разруши́сте, и у́зами, я́же претерпе́сте терпели́вно, того́ связа́сте, и покори́сте под но́зе, студа́ испо́лнена, и сме́х зря́щым сотвори́сте, благода́тию Боже́ственною.
Припев: Святи́и му́ченицы, моли́те Бо́га о нас.
Мученичен: Земля́ положе́нием свяще́нных му́ченик моще́й освяти́ся: и́бо исто́чник источа́ющ исцеле́ний вся́ческих сия́ Боже́ственнаго стяжава́ет, стра́сти теле́сныя и душе́вныя непреста́нно исцеля́ющи, и врежде́ние бесо́вское отрева́ющи Боже́ственною благода́тию.
Припев: Пресвята́я Богоро́дице, спаси́ нас.
Богородичен: Избе́гши боле́зней ма́терних во вре́мя рожде́ния, Долготерпели́ве, егда́ же Ти́ ны́не стра́сти во́льней причасти́вшуся, и боле́зни прии́мшу, поболе́х утро́бою, и душе́ю боле́зни испо́лнихся, Пречи́стая, вопия́ше, Юже досто́йно велича́ем.
Припев: Пресвята́я Богоро́дице, спаси́ нас.
Уще́дри, Пречи́стая, окая́нную мою́ ду́шу, и умертви́ стра́сти губи́тельныя, и мучи́тельное недоуме́ние отжени́: струи́ же сле́з святы́я да́руй присноживо́тныя, и́миже изба́влюся жду́щаго мя́ лю́таго осужде́ния.
Припев: Пресвята́я Богоро́дице, спаси́ нас.
Стена́ Христиа́ном, и прибе́жище тве́рдое ми́ру, в не́мже спаса́емся, Ты́ еси́ Де́во Чи́стая Богоневе́сто: из Тебе́ бо Бо́г воплоти́вся, Тебе́ все́м подаде́ покро́в спаси́тельный. Те́мже, Чи́стая, спаси́ мя недосто́йнаго.
Припев: Пресвята́я Тро́ице, Бо́же наш, сла́ва Тебе́.
Троичен: Безнача́льне Сло́ве О́тчий, и Сы́не Мо́й, и Свято́му Ду́ху сопресто́льный, ка́ко Свои́ пречи́стеи дла́ни на Кресте́ просте́рл еси́? что́ ны́не толи́кая Твоя́ нищета́, Преблаги́й? предстоя́щи Твоему́ Распя́тию, вопия́ше Всенепоро́чная.
Припев: Пресвята́я Богоро́дице, спаси́ нас.
Иска́пающи Боже́ственную сла́дость, я́же все́х сла́дость ро́ждшая, услади́ ду́шу мою́, огорче́нную я́дом зми́я, отчужда́ющи мя́ го́рькаго греха́ всегда́ хода́тайством Твои́м, Предста́тельнице ве́рных Непосты́дная.
Припев: Священному́чениче Дорофе́е, моли́ Бо́га о нас.
Испра́вил еси́ ста́до Христо́во к Боже́ственным приста́нищем,/ невре́дно соблю́д е от бу́ри сопроти́вныя, я́ко преизря́ден святи́тель/ и Боже́ственных, о́тче, испо́лнитель, му́дре, повеле́ний.
Припев: Священному́чениче Дорофе́е, моли́ Бо́га о нас.
Я́ко священноде́йственник чист, я́ко му́ченик добль,/ я́ко чудоде́йственник чу́ден, я́ко Боже́ственных словопи́сец,/ я́ко ве́ры непоколеби́м столп, сла́ву ве́чную, о́тче, улучи́л еси́.
Сла́ва Отцу́, и Сы́ну, и Свято́му Ду́ху.
На суди́щи подъе́м мно́ги труды́ и боле́зни,/ к неболе́зненней и Боже́ственней жи́зни, ра́дуяся, преше́л еси́,/ обоже́нию ны́не чи́сто прича́щся, му́чениче досточу́дне Дорофе́е.
И ны́не, и при́сно, и во ве́ки веко́в. Ами́нь.
Богородичен: Нося́щи Христа́ на рука́х, нося́щаго вся ма́нием Боже́ственным, Чи́стая,/ Того́ при́сно моли́ рук на́ших воздея́ния испра́вити,/ я́ко фимиа́м, пред лице́м Его́.
Катавасия
Ирмос, глас 8: Проявле́нное на горе́ законополо́жнику во огни́ и купине́/ Рождество́ Присноде́вы/ в на́ше, ве́рных, спасе́ние/ пе́сньми немо́лчными велича́ем.
Светильны
Cветильны
Кре́ст — храни́тель всея́ вселе́нная, кре́ст — красота́ це́ркве, кре́ст — ве́рных утвержде́ние, кре́ст — а́нгелов сла́ва и де́монов я́зва.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Крестобогородичен: У креста́ предстоя́щи, тя́ безсе́менно ро́ждшая, и рыда́ющи вопия́ше: увы́ Сладча́йшее Ча́до, ка́ко заше́л еси́ от о́чию Мое́ю? ка́ко в ме́ртвых вмени́лся еси́?
Хвалитные стихиры
На 6: Сотвори́ти в них суд напи́сан, сла́ва сия́ бу́дет всем преподо́бным Его.
Псалом 150
Хвали́те Бо́га во святы́х Его́, хвали́те Его́ во утверже́нии си́лы Его́.
На 4: Хвали́те Его́ на силах Его, / хвали́те Его́ по мно́жеству вели́чествия Его́.
Хвали́те Его́ во гла́се тру́бнем, / хвали́те Его́ во псалти́ри и гу́слех.
Хвали́те Его́ в тимпа́не и ли́це, / хвали́те Его́ во стру́нах и орга́не.
Хвали́те Его́ в кимва́лех доброгла́сных, хвали́те Его́ в кимва́лех восклица́ния. / Вся́кое дыха́ние да хва́лит Го́спода.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Тебе́ сла́ва подоба́ет, Го́споди Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веко́в. Ами́нь.
На стиховне
Стихиры на стиховне
Глас 8: Моисе́ев же́зл прообража́ше Честны́й Кре́ст Тво́й, Спа́се на́ш: те́м бо спаса́еши я́ко из глубины́ морски́я, лю́ди Твоя́, Человеколю́бче.
Стих: Испо́лнихомся зау́тра ми́лости Твоея́, Го́споди, и возра́довахомся, и возвесели́хомся: во вся́ дни́ на́шя возвесели́хомся: за дни́, в ня́же смири́л ны́ еси́, ле́та, в ня́же ви́дехом зла́я. и при́зри на рабы́ Твоя́, и на дела́ Твоя́, и наста́ви сы́ны и́х.
Глас 8: Е́же дре́вле во Еде́ме в раи́, дре́во сне́дное прозябло́ е́сть посреде́ садо́в: Це́рковь же Твоя́, Христе́, Кре́ст Тво́й процвете́, источа́ющ всему́ ми́ру жи́знь. Но о́но у́бо умертви́ сне́дию я́дшаго Ада́ма: сие́ же жи́ва сотвори́, ве́рою спа́сшася разбо́йника: Его́же спасе́ния прича́стники и на́с яви́, Христе́ Бо́же, и́же стра́стию Твое́ю разруши́в, я́же на ны́ ко́зни вра́жия, и сподо́би на́с Ца́рствия Твоего́, Го́споди.
Стих: И бу́ди све́тлость Го́спода Бо́га на́шего на на́с, и дела́ ру́к на́ших испра́ви на на́с, и де́ло ру́к на́ших испра́ви.
Глас 8: Му́ченицы Христо́вы непобеди́мии, победи́вше ле́сть си́лою Кре́стною, восприя́сте благода́ть ве́чныя жи́зни, мучи́телей преще́ния не убоя́вшеся, му́ками ураня́еми весели́стеся: и ны́не кро́ви ва́шя бы́ша исцеле́ния душа́м на́шым. Моли́те спасти́ся душа́м на́шым.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Глас 8: На Кресте́ пове́шена зря́щи Чи́стая Тебе́ ро́ждшая, Го́споди, и бли́з бы́вши, пла́чущи глаго́лаше: Ча́до, что́ сия́ стра́ждеши пло́тию, и тщи́шися безча́дствовати мя́? Потщи́ся просла́витися, я́ко да возвели́чуся стра́стию Твое́ю.
Тропари в конец утрени
Глас 4: И нра́вом прича́стник,/ и престо́лом наме́стник, апо́столом быв,/ дея́ние обре́л еси́, Богодохнове́нне,/ в виде́ния восхо́д;/ сего́ ра́ди, сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Дорофе́е,/ моли́ Христа́ Бо́га/ спасти́ся душа́м на́шим.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Крестобогородичен, глас 4: Тя велича́ем, Богоро́дице, вопию́ще: / Ты еси́ гора́, от нея́же неизглаго́ланно отсече́ся Ка́мень / и врата́ а́дова сокруши́.
Отпуст
Евангельская стихира
На часах
1-й Час
Сла́ва Отцу́, и Сы́ну, и Свято́му Ду́ху.
Тропарь сщмч. Дорофе́я, епископа Тирскаго, глас 4
И нра́вом прича́стник,/ и престо́лом наме́стник, апо́столом быв,/ дея́ние обре́л еси́, Богодохнове́нне,/ в виде́ния восхо́д;/ сего́ ра́ди, сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Дорофе́е,/ моли́ Христа́ Бо́га/ спасти́ся душа́м на́шим.
И ны́не, и при́сно, и во ве́ки веко́в. Ами́нь.
Кафизм нет
Паремии
Евангелие
Кондак сщмч. Дорофе́я, епископа Тирскаго, глас 5
Доброде́тельми сия́я, и Боже́ственными уче́нии па́че со́лнца,/ и страда́нии, блаже́нне, облиста́л еси́,/ просвети́л еси́ зе́млю, Дорофе́е, отгна́в мглу многобо́жия и лю́тыя е́реси./ Сего́ ра́ди па́мять твою́ све́тло пра́зднуем.
Отпуст
Христо́с И́стинный Бог наш, моли́твами Пречи́стыя Своея́ Ма́тере, си́лою Честна́го и Животворя́щаго Креста́, святы́х сла́вных и всехва́льных Апо́стол, Престольный праздник, сщмч. Дорофе́я, епископа Тирскаго, святы́х пра́ведных Богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.3-й Час
Сла́ва Отцу́, и Сы́ну, и Свято́му Ду́ху.
Тропарь сщмч. Дорофе́я, епископа Тирскаго, глас 4
И нра́вом прича́стник,/ и престо́лом наме́стник, апо́столом быв,/ дея́ние обре́л еси́, Богодохнове́нне,/ в виде́ния восхо́д;/ сего́ ра́ди, сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Дорофе́е,/ моли́ Христа́ Бо́га/ спасти́ся душа́м на́шим.
И ны́не, и при́сно, и во ве́ки веко́в. Ами́нь.
Кафизм нет
Паремии
Евангелие
Кондак сщмч. Дорофе́я, епископа Тирскаго, глас 5
Доброде́тельми сия́я, и Боже́ственными уче́нии па́че со́лнца,/ и страда́нии, блаже́нне, облиста́л еси́,/ просвети́л еси́ зе́млю, Дорофе́е, отгна́в мглу многобо́жия и лю́тыя е́реси./ Сего́ ра́ди па́мять твою́ све́тло пра́зднуем.
6-й Час
Сла́ва Отцу́, и Сы́ну, и Свято́му Ду́ху.
Тропарь сщмч. Дорофе́я, епископа Тирскаго, глас 4
И нра́вом прича́стник,/ и престо́лом наме́стник, апо́столом быв,/ дея́ние обре́л еси́, Богодохнове́нне,/ в виде́ния восхо́д;/ сего́ ра́ди, сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Дорофе́е,/ моли́ Христа́ Бо́га/ спасти́ся душа́м на́шим.
И ны́не, и при́сно, и во ве́ки веко́в. Ами́нь.
Кафизм нет
Паремии
Евангелие
Кондак сщмч. Дорофе́я, епископа Тирскаго, глас 5
Доброде́тельми сия́я, и Боже́ственными уче́нии па́че со́лнца,/ и страда́нии, блаже́нне, облиста́л еси́,/ просвети́л еси́ зе́млю, Дорофе́е, отгна́в мглу многобо́жия и лю́тыя е́реси./ Сего́ ра́ди па́мять твою́ све́тло пра́зднуем.
9-й Час
Сла́ва Отцу́, и Сы́ну, и Свято́му Ду́ху.
Тропарь сщмч. Дорофе́я, епископа Тирскаго, глас 4
И нра́вом прича́стник,/ и престо́лом наме́стник, апо́столом быв,/ дея́ние обре́л еси́, Богодохнове́нне,/ в виде́ния восхо́д;/ сего́ ра́ди, сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Дорофе́е,/ моли́ Христа́ Бо́га/ спасти́ся душа́м на́шим.
И ны́не, и при́сно, и во ве́ки веко́в. Ами́нь.
Кафизм нет
Паремии
Евангелие
Кондак сщмч. Дорофе́я, епископа Тирскаго, глас 5
Доброде́тельми сия́я, и Боже́ственными уче́нии па́че со́лнца,/ и страда́нии, блаже́нне, облиста́л еси́,/ просвети́л еси́ зе́млю, Дорофе́е, отгна́в мглу многобо́жия и лю́тыя е́реси./ Сего́ ра́ди па́мять твою́ све́тло пра́зднуем.
На Литургии Иоанна Златоуста
Антифоны
Антифон 1
Первый вседневный антифон
1 Лик: Бла́го есть/ испове́датися Го́сподеви. Молитвами Богородицы, Спасе, спаси нас.
2 Лик: Благо есть исповедатися Господеви, и пети имени Твоему, Вышний. Моли́твами Богоро́дицы, Спа́се, спаси́ нас.
1 Лик: Возвеща́ти зау́тра ми́лость Твою́/ и и́стину Твою́ на вся́ку нощь. Моли́твами Богоро́дицы, Спа́се, спаси́ нас.
2 Лик: Я́ко прав Госпо́дь Бог наш,/ и несть непра́вды в Нем. Моли́твами Богоро́дицы, Спа́се, спаси́ нас.
1 Лик: Сла́ва Отцу́ и Сы́ну/ и Свято́му Ду́ху: Моли́твами Богоро́дицы, Спа́се, спаси́ нас.
2 Лик: И ны́не и при́сно/ и во ве́ки веко́в. Ами́нь. Моли́твами Богоро́дицы, Спа́се, спаси́ нас.
Антифон 2
Второй вседневный антифон
1 Лик: Госпо́дь воцари́ся,/ в ле́поту облече́ся. Моли́твами святы́х Твои́х, Спа́се, спаси́ нас.
2 Лик: Госпо́дь воцари́ся, в ле́поту облече́ся:/ облече́ся Госпо́дь в си́лу и препоя́сася. Моли́твами святы́х Твои́х, Спа́се, спаси́ нас.
1 Лик: И́бо утверди́ вселе́нную,/ я́же не подви́жится. Моли́твами святы́х Твои́х, Спа́се, спаси́ нас.
2 Лик: Свиде́ния Твоя́ уве́ришася зело́,/ до́му Твоему́ подоба́ет святы́ня, Го́споди, в долготу́ дний. Моли́твами святы́х Твои́х, Спа́се, спаси́ нас.
Антифон 3 / Блаженны
Третий вседневный антифон
1 Лик: Прииди́те, возра́дуемся Го́сподеви,/ воскли́кнем Бо́гу Спаси́телю на́шему. Спаси́ ны, Сы́не Бо́жий, во святы́х ди́вен сый, пою́щия Ти: аллилу́иа.
2 Лик: Предвари́м лице́ Его́ во испове́дании,/ и во псалме́х воскли́кнем Ему: Спаси́ ны, Сы́не Бо́жий, во святы́х ди́вен сый, пою́щия Ти: аллилу́иа.
1 Лик: Я́ко Бог Ве́лий Госпо́дь,/ и Царь Ве́лий по всей земли. Спаси ны, Сы́не Бо́жий, во святы́х ди́вен сый, пою́щия Ти: аллилу́иа.
2 Лик: Я́ко в ру́це Его́ вси концы́ земли́, / и высо́ты гор Того́ суть. Спаси ны, Сы́не Бо́жий, во святы́х ди́вен сый, пою́щия Ти: аллилу́иа.
1 Лик: Я́ко Того́ есть мо́ре, и Той сотвори́ е́,/ и су́шу ру́це Его́ созда́сте. Спаси́ ны, Сы́не Бо́жий, во святы́х ди́вен сый, пою́щия ти: аллилу́иа.
Входное
В будни: Прииди́те, поклони́мся и припаде́м ко Христу́. / Спаси́ ны, Сы́не Бо́жий, / во святы́х Ди́вен сый, пою́щия Ти, / Аллилу́иа. Единожды.
Тропари и кондаки на входе
В среду, Креста, глас 1
Спаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.
храма святого, глас *
... Укажите в настройках престольный праздник вашего храма ...
Тропарь сщмч. Дорофе́я, епископа Тирскаго, глас 4
И нра́вом прича́стник,/ и престо́лом наме́стник, апо́столом быв,/ дея́ние обре́л еси́, Богодохнове́нне,/ в виде́ния восхо́д;/ сего́ ра́ди, сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Дорофе́е,/ моли́ Христа́ Бо́га/ спасти́ся душа́м на́шим.
В среду, Креста, глас 4
Вознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.
Кондак храма святого, глас *
... Укажите в настройках престольный праздник вашего храма ...
Кондак сщмч. Дорофе́я, епископа Тирскаго, глас 5
Доброде́тельми сия́я, и Боже́ственными уче́нии па́че со́лнца,/ и страда́нии, блаже́нне, облиста́л еси́,/ просвети́л еси́ зе́млю, Дорофе́е, отгна́в мглу многобо́жия и лю́тыя е́реси./ Сего́ ра́ди па́мять твою́ све́тло пра́зднуем.
Сла́ва Отцу́, и Сы́ну, и Свято́му Ду́ху.
Кондaк за умерших, глас 8
Со святы́ми упоко́й,/ Христе́,/ ду́ши раб Твои́х,/ иде́же несть боле́знь, ни печа́ль,/ ни воздыха́ние,// но жизнь безконе́чная.
И ны́не, и при́сно, и во ве́ки веко́в. Ами́нь.
Кондaк Пресвятой Богородице, глас 6
Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.
Прокимен
Чтец: Прокимен, глас 3: Вели́чит душа́ Моя́ Го́спода, / и возра́довася дух Мой о Бо́зе Спа́се Мое́м.
Лик: Вели́чит душа́ Моя́ Го́спода, / и возра́довася дух Мой о Бо́зе Спа́се Мое́м.
Чтец: Стих: Я́ко призре́ на смире́ние рабы́ Своея́, се бо отны́не ублажа́т Мя вси ро́ди.
Лик: Вели́чит душа́ Моя́ Го́спода, / и возра́довася дух Мой о Бо́зе Спа́се Мое́м.
Чтец: Вели́чит душа́ Моя́ Го́спода,
Лик: и возра́довася дух Мой о Бо́зе Спа́се Мое́м.
Апостол
И чтец надписание Апостола: К Ри́мляном посла́ния свята́го Апо́стола Па́вла чте́ние.
И паки диакон: Во́нмем.
Зачало 87 В среду 2-я недели. (Рим.4:13-25)
Бра́тие, не зако́ном обетова́ние Авраа́му, или́ се́мени его́, е́же бы́ти ему́ насле́днику ми́рови, но пра́вдою ве́ры. А́ще бо су́щии от зако́на насле́дницы, испраздни́ся ве́ра, и разори́ся обетова́ние. Зако́н бо гнев соде́ловает: иде́же бо несть зако́на, ту ни преступле́ния. Сего́ ра́ди от ве́ры, да по благода́ти, во е́же бы́ти изве́стну обетова́нию всему́ се́мени, не то́чию су́щему от зако́на, но и су́щему от ве́ры Авраа́мовы, и́же есть оте́ц всем нам, я́коже есть пи́сано: я́ко отца́ мно́гим язы́ком положи́х тя, пря́мо Ему́же ве́рова Бо́гу, животворя́щему ме́ртвыя и нарица́ющу не су́щая я́ко су́щая. И́же па́че упова́ния во упова́ние ве́рова, во е́же бы́ти ему́ отцу́ мно́гим язы́ком, по рече́нному: та́ко бу́дет се́мя твое́. И не изнемо́г ве́рою, ни усмотре́ своея́ пло́ти уже́ умерщвле́нныя, столе́тен не́где сый, и ме́ртвости ложе́сн Са́рриных. Во обетова́нии же Бо́жии не усумне́ся неве́рованием, но возмо́же ве́рою, дав сла́ву Бо́гови. И изве́стен быв, я́ко е́же обеща́, си́лен есть и сотвори́ти. Те́мже и вмени́ся ему́ в пра́вду. Не пи́сано же бысть за того́ еди́наго то́чию, я́ко вмени́ся ему́, но и за ны, и́мже хо́щет вмени́тися, ве́рующим во Воскреси́вшаго Иису́са Христа́ Го́спода на́шего из ме́ртвых, И́же пре́дан бысть за прегреше́ния на́ша и воста́ за оправда́ние на́ше.
Аллилуиарий
Чтец: Аллилу́иа. Аллилу́иа. Аллилу́иа, глас 8.
Лик: Аллилу́иа. Аллилу́иа. Аллилу́иа.
Чтец: Слы́ши, Дщи, и виждь, и приклони́ у́хо Твое́.
Лик: Аллилу́иа. Аллилу́иа. Аллилу́иа.
Чтец: Стих: Лицу́ Твоему́ помо́лятся бога́тии лю́дстии.
Лик: Аллилу́иа. Аллилу́иа. Аллилу́иа.
Евангелие
Диакон: Благослови́, влады́ко, благовести́теля свята́го Апо́стола и Евангели́ста Матфе́я.
Священник, осеняя его крестным знамением, произносит: Бо́г, моли́твами свята́го, сла́внаго, всехва́льнаго Апо́стола и Евангели́ста Матфе́я, да да́ст тебе́ глаго́л благовеству́ющему си́лою мно́гою во исполне́ние Ева́нгелия Возлю́бленнаго Сы́на Своего́, Го́спода на́шего Иису́са Христа́.
И подает ему святое Евангелие.
Диакон: Ами́нь.
Священник: Прему́дрость, про́сти, услы́шим свята́го Ева́нгелия. Таже: Ми́р все́м.
Лик: И ду́хови твоему́.
Диакон: От Матфе́я свята́го Ева́нгелия чте́ние.
Лик: Сла́ва Тебе́, Го́споди, сла́ва Тебе́.
Священник: Во́нмем.
Евангелие от Матфея, зачало 23. Среда 2-я недели. (Мф.7:21-23)
Рече́ Госпо́дь: не всяк глаго́ляй Ми: Го́споди, Го́споди, вни́дет в Ца́рствие Небе́сное, но творя́й во́лю Отца́ Моего́, И́же есть на небесе́х. Мно́зи реку́т Мне во он день: Го́споди, Го́споди, не в Твое́ ли и́мя проро́чествовахом, и Твои́м и́менем бе́сы изгони́хом, и Твои́м и́менем си́лы мно́ги сотвори́хом? И тогда́ испове́м им, я́ко николи́же знах вас, отыди́те от Мене́, де́лающии беззако́ние.
Задостойник
Досто́йно есть...
Досто́йно есть я́ко вои́стинну блажи́ти Тя, Богоро́дицу, / Присноблаже́нную и Пренепоро́чную и Ма́терь Бо́га на́шего. / Честне́йшую Херуви́м и сла́внейшую без сравне́ния Серафи́м, / без истле́ния Бо́га Сло́ва ро́ждшую, су́щую Богоро́дицу Тя велича́ем.
Причастен
Ча́шу спасе́ния прииму́ и и́мя Госпо́дне призову́.
Аллилу́иа. Аллилу́иа. Аллилу́иа.